Purraghe - Racconti

Kuury úvu íshy ddeljaaru e ddi ty kindúara te gkilluha e Andalit (AMK6)

Ntoni e Darys Ka “Fialja e Andalit” 1964

*

Kémi baru njy kaljiivu e i kemi pishtrhúaru me ddirraasa. E mbranda, kury kukkóssetu mi shkje baani shuumy tu tiimu se ka bari zhboorynu e kanty dhézhinjymu zhiárrinu e kuru kurkósetu testraati, e pishtrhonjymu me njy karpíty ljéshyti shuumy.

Ma ajó drhiídhetu ka tu tímetty.

....

Na ,ddityne, ndzíerymy ddéljaty jaast e haany bbaarittu, mbrámyny kuur bbaany naaty, mbiljidhymi te çentía. Na stronjymu nju thesy me nçik kaast ka mbraanda, kukkosymi mbi dhee, pistrohymi my mándin, me zhiarrytu, me kámbytu i kuskjasinjymu te zhiarri. Kur jémi tu ljágkyty e niku kemi ma pétika tu ndirróhemi, kukkosymi tu ljágkita...

....

Zhiárri...natine gjith kambyty rriin te aana te zhiárri, tu simuru niku bbíimu. Sinaci  nuku na viéenu, koly niku , na viénu. Naní kjy niku jaamu ma ddeljaaru , kuru ljagkymi e ndirrohymi, va tilkjcyt, va kumishynu, va (djakkúnunu) djipúnunu e my zhe ndzitu sinaci e ndziitu my zhe koola.

....

Ka postu te njy çentí ásty kaljiva, jaany ddéljaty. Menátiny ndzitu kuur bbaanu dditu, ddeljarytty veeny te mungkaari; njy ddiálju me nju shkoppu i héljicu ddeljatu e dhiítu, atá i strungkónjunu sisynu e mbiljónjinu kusiitu me sisa e i bbajiyny te kaljiiva, te kaljiiva kulónjinu me ngky çiku bbaru e vaanu te nju kusíi e maadhe e e vaany ngky çiku kuákjicy e ajó bbáhetu e tháatu, i vaan zhiárh e ndzíerynu ddiáthyty. Kuuru kaan ndzíerr ddiáthyt, i vaan njétr zza kljúmisty, i vaan zhiárh e ndzíerynu gjizhyny, kuury kaany ndziérr gjizhyny, hirryny ja jápyny kjényve, i vaan te korita e e haanu kjénytty.

....

Kuágji ástu bbaarku ka njy bbilje ka dhiia.

Kuur e vrasyne kju ajó nyku ka ngkraanu bbaaru, ka písturu vetu kyljumystu, kuuru e vrasynu, i ndziirynu kuágjinu. E marrynu ddalj e ddalju e e vaanu te nju gkoordu, teku dhézhinjiny zhiárrinu, kikjé i veete humáta e ajó bbahyty ethaaty.

Ndu ka pakku, bbanjymu nju vaary e vaany kiljumysty, aió thahytu, kuuru astu tu thaatu, e marrynu e e stípinjynu, e stipinjynu mbi te nju ddrhu, e e vaanu te njy poççarelje. Ja vaanu te kiljúmyst, kiljumystutu bbahytu tu thaatu, i vaamu ngk çiku zhiárhy e bbahytu brumyttu.

Atá bbrhuum e marhymu e e vaamu mbraanda te hisheljiy, stryngkonjymu kambí me ddúattu, hirra ddeljcu e bbahytu ddiáthytu.

Ddiáthytu rrhi tre, katr, peesu ddittu te njy áany, poi e marhymu e e vaamu mbraanda te kripa, rrhi njy javy e e ndzíemu, bbahytu tu thaty, atá astu ddiáthu.

....

“Kuury u ddola”

E kuury ddoola uv

 i zhezhi (=i zhii) u’

natu nik ísh e natu bbaacu,

kuury vaanu ty my pakizhojru,

ndríkules i zhuu njy shubbes

e i ra te ddeera te kiljisha,

ndríkulitt ju thíe njy kamb,

príttitt i raa njy dyrrasa ka kiljishe

te kríetu e ddikjcy.

Ka újytu e bbekúarru zhbúaryny kiljiççaty.

I ddiégkuri u’ u viéta paa i pakuzhúaru.

Ghadhiurelji

U’ kesh njy ghadhiuréljc

Ish njy shurbes i hool

Ngka nççik aí kyndó(c)

Mbrámane e (me) nat

Njy ddit e ndzoor jast

I vuur vrinjyn aric

Ndomesa t’ atá buljery

U vu ty kyndony

Kuur kyndooc bbac akkistú:

....

Ghadhiurelj ka zhámyra iime,

Sa kan ty ddúa miir!

Kuur ddikjc iimu shokje

U’ nik kiljasta,

Uv nik kiljasta,

E vuura e pruura ndan dhee.

Naní kjy ddikjc ghaidhurelji

U’ ngka ççik kiljanja.

Ghadhiurelji ngka zhamyra iime

Sa ka ty ddúa miir!