Purraghe - Racconti

Llopa e ghariúri

ĺsh njy heer njy bbur ççy njihic gjúhen e animójevet: njy mroma, te moti i vápes, burri rric te ghafi e miryc áirin ty mir.

Te njy heer gjégji llópen e ghariúrin ççy fyjitijin áfer.

Thec llopa:- Jam shum e dhollur, my dhemp gjith kurmi, gji ditin kom tecku parmendin, ti, ndorrí gjith diten jé prohu e ke hrongku barin ty rri.

U pyrgjéky ghariuri:- Ti jé çiót, pysé ningk rrin si kur njó ósht symur, ma moh, me siin e shúar; shtú patruni ty lle ty próheçç e ningk ty bíen jásht ty punóçç.

Shtú bbori llopa.

Patruni pa llopen si symur, e llo ty prohec e vati jasht ty punoc vetem me ghariúrin.

Kur patruni u ttíat mromin, pa meta próhec te ghafi e míryc áerin ty mir, bashk me shókjen, e pa meta llopa e ghariúri fyjítijin.

Tha ghariúri:- Ket ty thom njy shurbíss i kekj...kam gjégju sot se patruni ddo ty bbíen tic te vuççéri, se jé i kekj e symure nink punon.

Llopa, kur gjégju kytá, e trómbur, tha:- Jam prohu shum sot, naní ndíhem mir e menót dúa ty punói.

Patruni gjékj llópen e kjéshi.

(Raccontata da Michele Gangale da Carfizzi)