Purraghe - Racconti

Te gkilluha e Vínesy (AMK3)

Purralla e ryfíestury ka Luçia Nesci-Arcuri te viti 1962.

Ççy u bboχ njy heery kuur i bbiiri i rregjitty llúaχy diáthyty

Njy heery ish njy rregj e njy ridjina e njy bbiir vetym. (Ki) vetym njy ddiity i thaa ty jatit:-Tat, vete ty ljuanja diathyty. (E vait)

 Si petassi zzopin e diathyty u ndothy njy gkovaary.

At diathyty vaate mbaany. Aí vati t’e mirr. Ndoth njy shkaal e u kalà ndaany.

U kalà ndaany e gjett fatet. Kuura fatet e paany atié e mbasturh me atò, ngky ljaany ma ty ngjitiχ mbi te dhéu.

Mbasturh me ató, shkúan njy paarr jaavy (kjiroony).

Njy vazhdy íshy ççy rúan njy derkarelj. Si vaate dderkarelji e i zhbúary, vaaty kyjó vazhdy ty my mirh dderkareljin.

Kuury u ndoth, ju ndoth puury atié mb’aany; ju ndothy atié mbaany fatety e muarr puury ató, ngk, ljaany ma ty ngjityχ manku atà e i mbasturh ty ddía, kity bbiiry i rregjyχy e kity vazhd. E i bboony kushkiiny.

Dhopp ççy (kuur kish shkúar) njy zza kjirúa, kyjó vazhd do ty ndzíer te ddrita ddialjin.

Fatety thaany:-Ti kee ty ngjiteçç mbi dhee. Sa ty ty ndihemy...ty riçç ma...ty japymi njy ljámyçç.

Zza kity ljamyçç me peenj e petája. Petája.Te ku veete ljamiçç, ezz ti...atié, kee ti ty thoçç ty ty ljaany ty fraçç atié. Atí ti ljoççin ty fraçç, atié ti rri.

(Shihe te ty ljoon ty fraçç).

Zhu uth kyjò vazhda, zhu uth, ngjitt mbi te dheu e (petasi) ljamiççin si i thaany atò.

E petassi si i thaany atò e vaate te shtupia e rregjit. Ajò vate puuru  te shtupia e rregjit. Vaate te shtupia e rregjit e (ju) thaa ndy ddonjin ty fraχy atié. ...(Vate te regjit, ju thaa ty thaa ty my ljaari ty fra kytu njy zza ddiitty. Rregji ruasti mb tin shokjen:- (ççy) thua ti? Ljam k...e zheezha e ljaam ty fraa).

Ridjina tha:-Oi shumbria iime si u s’ ty ljaa ty freçç (hreçç) kitù e thaa:-Ka mo he njy vitt, çç’u boora njy zhbbiir e gky myny ljaa gjindity...(kitonja) at birity e ngky ddua gjint mbrynda.

Gjegjyni, thaa ajò, ljamini, ljamini ty fra kitù.

Kakjy e bbari njera ççy kuuru e ljaany, (e) ljaany te njy aany ty fraiçç.

Gjithy mbramani, kuur kalaarχi heera, vejin fatety e (i) bbiri e rregjit, vejin ja muarny kity dialjiχ ççy ddual, (kish ddaljur ka kushkjia) e i kindojiny ddialjiny...njy heery gjith fatet e poi ja japijin ty jatity.

Njy mbrooma gjegji ridjina, gjegji ridjiina si atò kindojin ngka mbraama, kyshtù thaa ty shokjity:-U’ gjegjinja ka ajò jetry mbraamy,...ççy gjegjynja ka ajò aany ççy ljaamy a ( saχ) vazhdy, (u’ gjegjynja) ççy kindonjyny, jò (nja) vetyma kindoin, ma kindonjin shuum gjint.

-Ohy, i thaa i shokj, ketty ngkrihemy, ty ngkrihemy u’,i thaa, njy mbrooma, ty marrvesh, shomy ngky a njetrh si e thua ti. Kuur e zhuu mbròmani, ju ngkrie rregji, ju ngkrie e vaati rregji, vaan ty ddia rregji e ridjina, kuuru gjegjurr mbronda ty hatet (fatet) me atò kindoonu puuru i bbiiri, njohurr fialjiny, zhaany e ty bbiritty.

Njohurr zhaany e ty bbiritty, regji muar ndondi ty dderet, ndondi dderet e e rrinkarti mbronda.

Si rringkarti dderen mbroonda, hatit zhuun uudhy, ikrr gjity, bbiiri ngjett, ju viett me vaizhden e me ty birareljin.

(I) muar rregji e ridjina, muar ty bbirin, e ddirtuany, kuush e ddi se e ddirtuany atà, vazhdeny e ty bbiiriny, boony shkurkjin njetrh heery (me kakjy ngassy e haree) e atò rrishtorr e shkuan ddittyte...ty miira me ty bbirry te aana.